Fyrri leikurinn fer fram í Salerno þar sem fallið lið Salernitana tekur á móti fallbaráttuliði Verona.

Verona getur bjargað sér frá falli með sigri í dag en Salernitana er aðeins með 16 stig eftir 36 umferðir og hefur ekki unnið nema tvo deildarleiki á tímabilinu.

Bologna og Juventus eigast við í seinni leik dagsins þar sem liðin eru að berjast um þriðja sæti deildarinnar. Liðin eru jöfn á stigum og verður spennandi að fylgjast með þessum slag.

Thiago Motta, þjálfari Bologna, er gríðarlega eftirsóttur og er sagður vera með þriggja ára samningstilboð frá Juventus á borðinu. Stjórn félagsins vill að hann taki við af Max Allegri sem var rekinn á dögunum.

Leikir dagsins:
16:30 Salernitana - Verona
18:45 Bologna - Juventus