Reykjavíkurmótið: Leiknir vann Breiðholtsslaginn

Bæði lið höfðu spilað einn leik í mótinu þar sem ÍR vann 6-1 stórsigur á ungu liði Víkings á meðan Leiknir gerði 2-2 jafntefli við Fjölni, en Leiknismönnum tókst að komast upp fyrir ÍR á töflunni með sigrinum í kvöld.

ÍR-ingar fóru með 1-0 forystu inn í hálfleikinn en þegar hálftími var til leiksloka jafnaði Stefan Bilic.

Á lokamínútum leiksins settu ÍR-ingar boltann í eigið net og lokatölur því 2-1 Leikni í vil.

Leiknismenn eru með 4 stig á meðan ÍR er með 3 stig eftir tvo leiki.

ÍR spilar næst við Fjölni á miðvikudag en Leiknir mætir KR-ingum 20. janúar.