Páll Viðar þjálfari Þórs
Þór heimsótti lið Aftureldingar í dag í Lengjudeild karla og tóku öll stigin sem voru í boði. 2-3 voru lokatölur í hörkuleik sem bauð upp á allt. Rauð spjöld, vítaspyrnur og nokkur mörk. Páll, þjálfari Þórs, var ánægður með sigurinn og þá sérstaklega þar sem þetta var á útivelli. „Þetta var skrýtið og ekki síður fyrir þjálfara að þurfa að taka þrjár skiptingar í fyrri hálfleik án þess að hafa neina ástæðu til að breyta. Þetta var púsluspil í dag en fyrst og fremst geggjað að ná að klára þrjú stig á útivelli" Sagði Palli meðal annars.
Þórsarar hafa verið upp og niður í sumar og ekki náð að stimpla sig nægilega vel inn í toppbaráttuna að undanförnu. Palli er þó bjartsýnn á framhaldið „Við erum alltaf að narta í þetta. Ef og hefði og kannski og allt það. Kannski þarf bara að trufla mannskapinn og ég er ekki endanlega búinn að komast þeirri niðurstöðu að þetta hafi truflað menn að þjálfara vitleysingurinn hafi ætlað að vera í toppbaráttu. Mér finnst Þór alltaf að eiga stefna upp, við erum það stór klúbbur. Hvort sem það gerist á þessu ári, næsta eða þar næsta" Sagði Palli um toppbaráttuna.
Nánar er rætt við Palla í viðtalinu hér fyrir ofan. Hann er meðal annars spurður út í stöðuna á hópnum, næstu leiki og meiðslin hjá Emanuel.
