Grótta spilaði um liðna helgi æfingaleik við Blackburn Rovers, sem leikur í ensku B-deildinni. Liðið er í æfingaferð en hún byrjaði á Englandi þar sem liðið æfði á æfingasvæði Manchester City, Etihad Campus.
Á laugardag spilaði Grótta svo við Blackburn á æfingasvæði þeirra. Blackburn spilaði á blöndu af aðalliðsmönnum og unglingaliði sínu, en þar á meðal voru Ben Brereton Diaz, Ryan Hedges og Tyler Morton.
Diaz er landsliðsmaður Síle en hann er sagður á leið til Villarreal eftir tímabil. Hægt er að lesa um sögu hans með því að smella hérna.
Leikurinn fór 3-0 fyrir heimamönnum en Tyler Morton skoraði fyrsta mark leiksins áður en Harry Leonard bætti við tveimur mörkum.
Í lok leik fór fram vítaspyrnukeppni en Blackburn eru að undirbúa sig fyrir FA Cup viðureign gegn Sheffield United. Blackburn fór með sigur af hólmi í vítakeppninni, 5-4.
Þjálfarateymi Gróttu - sem er að mestu leyti breskt - fór einnig í heimsókn á æfingasvæði Liverpool á fimmtudaginn var þar sem þeir fengu að kynnast starfsháttum í gagnagreiningu.
Gróttuliðið er núna farið til Spánar þar sem æfingaferðin heldur áfram.
Meistaraflokkur karla lék við Blackburn Rovers á æfingasvæði þeirra fyrr í dag. Leikar enduðu 3-0 fyrir heimamönnum sem spiluðu á blöndu af aðalliðsmönnum og unglingaliði sínu. Við þökkum Blackburn kærlega fyrir gestrisnina. pic.twitter.com/FwJo2CSoRC
— Grótta knattspyrna (@Grottasport) March 11, 2023
Athugasemdir