Tilboð væntanlegt í Ederson - Man Utd hefur rætt við Frank og Pochettino - Frank, Maresca, McKenna og De Zerbi á blaði Chelsea
Hemmi Hreiðars: Ekkert mikið meira sem við getum gert
Gunnar Heiðar: Sérstakt að mæta vinum mínum
Áttu Blikar að fá víti? - „Fann vel fyrir því að hann steig á mig“
Rúnar Kristins: Engin skömm að tapa fyrir Breiðabliki
Eyjó Héðins: Frábær kvöldstund fyrir okkur Kópavogsbúa
Haddi: Sanngjarn stór sigur hjá Stjörnunni
Jökull: Við vildum koma inn af krafti
14 ára spilar sinn fyrsta leik „Takk Jökull fyrir tækifærið"
Heimir: Vonbrigði að fá ekki meira út úr leiknum
Addi Grétars: Með ólíkindum að Gylfi hafi ekki séð það
Sindri: Viðurkenni að ég beið smá eftir flautinu og ánægjulegt að það kom ekki
Birkir Már: Óþolandi að línuvörðurinn sjái ekki að markvörðurinn ver fyrir utan teig
Helgi Guðjóns: Ég sá þetta sem klárt víti
Arnar Gunnlaugs: Þú getur alveg eins flippað coin til að ákveða hverjir myndu vinna
Jón Þór: Hann hrynur í jörðina eins og hann hafi verið kýldur og nefbrotinn
Kristrún Ýr: þetta er bara klassískt Keflvískt veður
Gregg Ryder: Við gáfum þeim tvö mörk
Ólafur Kristjáns: Annaðhvort skríður þú undir stein og felur þig eða ferð upp á steininn
Davíð Smári: Heilt yfir pínu svekktur að hafa ekki náð að klára þetta
Árni Guðna: Þetta var bara hræðilegt
   lau 13. apríl 2024 18:10
Sæbjörn Þór Þórbergsson Steinke
Davíð Smári: Ætla ekki að nota það sem afsökun
Davíð á Kópavogsvelli í dag.
Davíð á Kópavogsvelli í dag.
Mynd: Fótbolti.net - Hafliði Breiðfjörð
Ég held að þetta sé bara ekki rautt spjald, sé bara gult spjald og áfram gakk
Ég held að þetta sé bara ekki rautt spjald, sé bara gult spjald og áfram gakk
Mynd: Fótbolti.net - Hafliði Breiðfjörð
Við erum ekki í neinum leik þar, bara eitthvað klikkerí í skýrslugerðinni
Við erum ekki í neinum leik þar, bara eitthvað klikkerí í skýrslugerðinni
Mynd: Fótbolti.net - Hafliði Breiðfjörð
„Ég er auðvitað ekkert sáttur með úrslitin, en ég verð bara að vera raunsýnn. Við höfum ekki farið á völl sem er í fullri stærð síðan í janúar. Við verðum að taka frá leik til leiks. Það var mikil bæting á liðinu frá leiknum á móti Fram, meira 'agression' í okkur, meira tempó og betri varnarlega en sóknarlega vorum við ekki nægilega góðir," sagði Davíð Smári Lamude, þjálfari Vestra, eftir tap gegn Breiðabliki í dag.

Lestu um leikinn: Breiðablik 4 -  0 Vestri

„Mér fannst við ekki nægilega 'clean' í sendingum og náðum illa að koma okkur upp völlinn út af því."

0-0 í hálfleik og það var ekki mikið um opnanir. „Við áttum okkar móment sóknarlega sem við fórum illa með og maður er ósáttur með það. En ég er bara stoltur af liðinu. Við erum að vinna í aðeins öðruvísi aðstæðum en aðrir, ég ætla ekki að nota það sem neina afsökun, ég er bara horfa á þetta jákvætt. Ef Breiðablik er (í dag) nálægt því að vera í sínu besta standi, þá höfum við meira pláss fyrir bætingu."

Elvar Baldvinsson fékk að líta beint rautt spjald í seinni hálfleik.

„Ég held að þetta sé bara ekki rautt spjald, sé bara gult spjald og áfram gakk. Það er snemma inn í móti og það eru allir að reyna gera sitt besta."

Morten Ohlsen var ekki með Vestra í dag. „Bólginn ökkli, óleikfær fyrir þennan leik en kemur klár í næsta leik."

Pétur Bjarnason var ónotaður varamaður í dag, hvers vegna? „Bara öðruvísi leikur, ég er með stóran hóp til að velja úr. Við ætluðum að setja hann inn á en svo vorum við orðnir manni færri og mómentið kom ekki fyrr. Það er bara næsti leikur, við erum að reyna fá alla menn á tærnar," sagði Davíð. Pétur var í byrjunarliðinu í leiknum gegn Fram í fyrstu umferð.

Davíð var spurður meira út í sóknarleik liðsins en hann var ansi bitlaus í leiknum í dag.

„Við komum með ákveðið leikplan inn í leikinn sem gekk ekki eftir vegna þess að sendingar voru ekki nægilega 'clean'. Við vorum á frábærum velli í dag, erum aðeins að venjast, koma okkur aðeins í gang. Mér fannst við aðeins hægir á boltann, þá á ég við menn í kring, hlaupin voru hæg og lítil hreyfing. Við erum rétt að byrja."

Á þessum tímapunkti í viðtalinu kom smá hik á fréttaritara en Davíð var svo spurður út í stemninguna fyrir vestan þar sem liðið er ekki að fara spila heimaleik alveg strax.

„Við fengum hörkustuðning úr stúkunni í dag. Ég segi takk fyrir við okkar stuðningsmenn. Ég vona að stuðningsmenn okkar, eins og leikmenn, viti að við erum rétt að byrja og við þurfum á þeim að halda út tímabilið. Ég er gríðarlega þakklátur þeim og eins er ég þakklátur leikmönnum fyrir að leggja sig 100% fram því það vantaði upp á það í leiknum á móti Fram."

Elmar Atli Garðarsson, fyrirliði liðsins, var ekki í byrjunarliðinu í upprunalegu skýrslunni en eftir uppfærslu var hann kominn inn. Var þetta einhver spurning í aðdraganda leiksins?

„Nei, alls ekki. Bara vandamál með vefinn. Við erum ekki í neinum leik þar, bara eitthvað klikkerí í skýrslugerðinni," sagði Davíð að lokum.
Athugasemdir
banner
banner
banner
banner