Zubimendi er 25 ára gamall og sinnir lykilhlutverki á miðjunni hjá Real Sociedad. Hann er uppalinn hjá Sociedad og hefur engan áhuga á að yfirgefa félagið sem hann hefur stutt við alla sína ævi. Hann hugsaði þó málið meira núna en hann hefur nokkru sinni gert áður.

Það var talið í síðustu viku að Zubimendi myndi ganga í raðir Liverpool en Daily Mail segir frá því að Hughes sé reiður eftir höfnunina.

Hann er reiður þar sem hann taldi að Zubimendi væri búinn að tala í þá áttina að hann ætlaði að ganga í raðir Liverpool.

Það er óvíst hvort Liverpool ætli að finna aðra sexu en félagið hefur ekki enn keypt leikmann í glugganum. „Liverpool taldi Zubimendi hafa náð ótvíræðu samkomulagi um að ganga til liðs við félagið. Aðdáendur spyrja nú spurninga þar sem Liverpool er enn eina félagið í fimm efstu deildum Evrópu sem hefur ekki enn fengið leikmann í sumar," segir í grein Daily Mail.

Real Sociedad lagði mikla áherslu á að halda Zubimendi en hann elskar félagið. Hann fékk boð um nýjan samning hjá Sociedad en tilboðið frá spænska félaginu er mikið lægra en það sem hann fékk frá Liverpool.