Atli Hrafn Andrason er farinn frá HK á frjálsri sölu eftir tvö ár í Kópavogi.
Atli Hrafn er 25 ára gamall og skoraði 6 mörk í 61 leik fyrir meistaraflokk HK sem féll úr Bestu deildinni á markatölu í haust.
Atli vildi ekki fara með HK niður um deild og er hann sagður vera á leið til KR.
„Þakka þér fyrir tímann Atli og vertu ávallt velkominn í Hlýjuna aftur," segir meðal annars í færslu frá HK á samfélagsmiðlum.
Atli er uppalinn hjá KR og snýr því aftur heim með þessum félagaskiptum, en hann hefur einnig spilað fyrir Víking R., Breiðablik og ÍBV á ferlinum.
02.11.2024 10:18
Atli Hrafn á leið í KR - Vilja annan frá HK en fá samkeppni
Athugasemdir
