Toni Kroos leikur sitt síðasta mót.
Kroos vann Meistaradeildina með Real Madrid.
Upphafsleikur Evrópumótsins fer fram í kvöld þegar gestgjafar Þýskalands taka á móti Skotlandi. Eftir stormasaman aðdraganda þýska liðsins að mótinu hefur bjartsýni heimamanna aukist eftir því sem nær hefur dregið.
Eftir að Hansi Flick var rekinn og Julian Nagelsmann ráðinn í hans stað þurfti nýi landsliðsþjálfarinn nokkra leiki til að slípa leikkerfi sitt til. Árangurinn sýndi sig í mars í sigurleikjum gegn Frakklandi og Hollandi. Liðið sýndi ákefð og var beinskeyttara.
Eftir að Hansi Flick var rekinn og Julian Nagelsmann ráðinn í hans stað þurfti nýi landsliðsþjálfarinn nokkra leiki til að slípa leikkerfi sitt til. Árangurinn sýndi sig í mars í sigurleikjum gegn Frakklandi og Hollandi. Liðið sýndi ákefð og var beinskeyttara.
Það kom einnig mikill meðbyr með þeirri ákvörðun Toni Kroos miðjumanns Real Madrid að snúa aftur í þýska landsliðið. Hann lagði landsliðsskóna á hilluna eftir síðasta EM en tekur þá nú fram aftur og stígur 'síðasta dansinn' á EM í heimalandinu.
Kroos er 34 ára og vann spænska meistaratitilinn og Meistaradeildina á nýafstöðnu tímabili.
„Þrátt fyrir aldurinn er Kroos enn einn hæfileikaríkasti leikmaður Þýskalands. Fáir í Þýskalandi neita því að allt á að snúast um þennan reynslumikla leikmann á mótinu," segir fótboltasérfræðingurinn Constantin Eckner.
Athugasemdir
