Óli Stefán Flóventsson, þjálfari KA, var gífurlega svekktur eftir 2-1 tap sinna manna gegn HK í kvöld.
KA hefur nú tapað fjórum leikjum í röð.
KA hefur nú tapað fjórum leikjum í röð.
„Eina það sem ég hugsa um núna eru vonbrigðin að hafa fengið mark á okkur á þessu mómenti þegar við vorum að stjórna leiknum," sagði Óli.
„Það er svolítið okkar saga í síðustu leikjum að við höfum verið öflugir á köflum en ekki náð að nýta þær stöður. Þetta er stöngin út og síðan fáum við eitt á okkur og við þurfum að fara vel yfir það. Þegar við erum í „krísu" þá er sjálfstraustið oft ekki hátt."
Óli segir að menn séu ekki orðnir örvæntingarfullir þrátt fyrir sex töp í síðustu sjö leikjum.
„Ekki örvæntingafullir en auðvitað þegar hlutirnir eru ekki að ganga upp hjá þér og þetta er ekki að falla fyrir okkur þá er kannski eðlilegt að tilfinningarnar beri menn ofurliði. Við þurfum að halda haus og vera fagmenn."
Óli er ekki sannfærður um að KA ætli að styrkja sig í glugganum.
„Við verðum að taka stöðuna og sjá hvað er best að gera. Hvort það sé gott að taka inn leikmann eða hvað, það verður að koma í ljós," sagði Óli að lokum.
Nánar er rætt við Óla í spilaranum hér að ofan.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir