14.08.20 - 21:25
Ingimar Bjarni Sverrisson
Jón Sveins: Eðlilega er mönnum heitt í hamsi
Auglýsing
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Fyrst og fremst ánægður með karakterinn í liðinu. Auðvitað ekki sáttur við að vinna ekki heimaleiki og ekki sáttur við að fá á sig fjögur mörk en frábær karakter,“ sagði Jón Sveinsson þjálfari Fram eftir 4-4 við eyjamenn í Safamýri í dag. Fram hafði lent undir í leiknum 0-1, 1-2 og 2-4 en jöfnuðu á lokamínútunum.
„Þetta eru atriði sem við vorum búnir að ræða fyrir leikinn. Við vitum að ÍBV eru öflugir og ekki bara í föstum leikatriðum. Þeir eru grimmir að vinna annan og þriðja bolta inn í teig og skora mörg mörk svona. Við ætluðum ekki að fá svona mörk á okkur en þau urðu tvö í fyrri hálfleik,“ sagði hann um varnarleik liðsins í fyrri hálfleik spurður um mörk ÍBV úr hornum.
„Nei, ég held að heilt yfir hafi dómarinn bara staðið sig nokkuð vel í dag,“ sagði hann um dómara leiksins, spurður um þann pirring sem var komin í lið hans undir lokin. Hann hélt áfram og sagði: „Þetta eru tvö öflug lið, sem eru að berjast að komast uppúr þessari deild, svo eðlilega er mönnum heitt í hamsi“
„Nei, ég held að heilt yfir hafi dómarinn bara staðið sig nokkuð vel í dag,“ sagði hann um dómara leiksins, spurður um þann pirring sem var komin í lið hans undir lokin. Hann hélt áfram og sagði: „Þetta eru tvö öflug lið, sem eru að berjast að komast uppúr þessari deild, svo eðlilega er mönnum heitt í hamsi“
