Öflugur miðjumaður.
ÍBV hefur samkvæmt heimildum Fótbolta.net mikinn áhuga á því að fá Jörgen Pettersen. Norski miðjumaðurinn er með lausan samning eftir að hafa spilað með Þrótti síðustu tvö ár í Lenjgudeildinni.
Jörgen er 27 ára og kom fyrst til Íslands fyrir tímabilið 2021 og lék fyrstu tvö tímabilin með ÍR í 2. deild. Hann var einmitt orðaður við endurkomu í ÍR í slúðurpakkanum fyrr í vetur.
Jörgen er 27 ára og kom fyrst til Íslands fyrir tímabilið 2021 og lék fyrstu tvö tímabilin með ÍR í 2. deild. Hann var einmitt orðaður við endurkomu í ÍR í slúðurpakkanum fyrr í vetur.
Í sumar lék hann sautján deildarleiki og skoraði þrjú mörk. Leikirnir hefðu orðið fleiri ef hann hefði ekki fengið þungt höfuðhögg í leik gegn ÍBV og misst úr nokkra leiki. Eitt af mörkunum í sumar kom í Vestmannaeyjum.
Alls hefur Jörgen skorað sautján deildarmörk í 81 deildarleik og sjö mörk í fimmtán bikarleikjum.
ÍBV vann Lengjudeildina í sumar og hefur nú þegar sótt tvo leikmenn í vetur; þá Omar Sowe og Arnór Inga Kristinsson frá Leikni. Þorlákur Árnason er þjálfari ÍBV.
Athugasemdir
