Jón Daði Böðvarsson, leikmaður Bolton Wanderers á Englandi, gæti verið frá næstu vikur eftir að hafa meiðst í 3-0 sigri liðsins á Portsmouth í gær.
Framherjinn, sem hefur skorað átta mörk á tímabilinu, fór meiddur af velli á 37. mínútu leiksins eftir að hafa lent illa eftir skallaeinvígi.
Hann hefur verið óheppinn með meiðsli á tímabilinu en er þrátt fyrir það annar markahæsti maður liðsins á tímabilinu á eftir Dion Charles.
Ian Evatt, stjóri Bolton, sagði að frekari frétta er að vænta á morgun.
„Eina neikvæða við leikinn voru meiðsli Jóns. Þetta lítur ekki of illa út. Hann er bólginn en við vitum ekki hversu alvarleg þessi meiðsli eru fyrr en á mánudag,“ sagði Evatt í gær.
Athugasemdir