Dagný fyrir fyrstu æfingu liðsins ásamt Söndru Maríu.
„Þetta var ótrúleg upplifun, eitthvað sem höfðum aldrei upplifað áður og maður fann hvað íslenska þjóðin er með manni í þessu og frábær undirbúningur hjá Icelandair. Það var geggjað að upplifa þetta," sagði miðjumaðurinn Dagný Brynjarsdóttir um gærdaginn hjá íslenska kvennalandsliðinu.
Liðið kom til Hollands seint í gærkvöldi en fyrir brottför beið þeirra fjölda fólks og fjölmiðlamanna. Eitthvað sem hefur ekki sést áður fyrir EM kvenna áður.
Liðið kom til Hollands seint í gærkvöldi en fyrir brottför beið þeirra fjölda fólks og fjölmiðlamanna. Eitthvað sem hefur ekki sést áður fyrir EM kvenna áður.
„Það er rosalega skrýtið og margt búið að gerast síðan þá. En á sama tíma er frábært hve kvennaboltinn á Íslandi hefur stækkað sem er frábært fyrir okkur sem leikmenn og stelpurnar sem eru yngri. Þetta er allt á uppleið."
„Allur undirbúningur fyrir þetta mót hefur verið til að gera okkur betri og þvílíkar breytingar frá því á EM 2013. Þetta er allt mjög jákvætt og undirbýr okkur vel fyrir mótið," sagði Dagný sem segir það mikilvægt að leikmenn nái sér niður á jörðina sem fyrst.
„Ég held að við séum allar búnar að ná okkur niður á jörðina. Við vorum auðvitað hátt upp í gær og upplifðum margt nýtt en erum klárar í æfingar og þá fundi sem framundan eru. Næstu dagar fara í að undirbúa okkur algjörlega fyrir Frakka leikinn. Við erum hrikalega einbeittar fyrir það."
Dagný hefur verið að glíma við meiðlsi undanfarna mánuði en hún segist vera klár.
„Ef Freyr vill spila mér í 90 mínútur þá er ég klár. Það er undir honum komið hvað hann vill spila mér mikið. Ég vonast auðvitað alltaf til að byrja en þetta er undir Frey komið," sagði Dagný en fyrsti leikur íslenska liðsins er gegn sterku liði Frakklands á þriðjudaginn. Frakkland er að mörgum talið sigurstranglegasta lið keppninnar.
„Ég held nú að allir leikirnir séu erfiðir en Frakkar eru hæstar á styrkleikalistanum í riðlinum. Þetta verður klárlega erfiður leikur en ég held að það sé fínt að byrja á þeim og það verður krefjandi verkefni. En okkur hlakkar til að sýna öllum hversu góðar við erum.
Á EM í Svíþjóð 2013 var Dagný markahæst íslenska liðsins ásamt Margréti Láru Viðarsdóttur með eitt mark hvor. Hún segist stefna á að bæta við mörkum á þessu móti.
„Ég verð allavegana að reyna setja tvö, það er lágmark.
Athugasemdir
