Rúnar Þór Sigurgeirsson
„0-0 nei en jafntefli já. Bæði liðin voru að fá mikið af færum og ótrúlegt að boltinn hafi ekki farið inn. En ég held að jafntefli hafi verið nokkuð sanngjörn niðurstaða.“ Sagði Rúnar Þór Sigurgeirsson leikmaður Keflavíkur hvort 0-0 jafntefli Keflavíkur og KR hefði verið sanngjörn niðurstaða þegar liðin mættust í Keflavík fyrr í kvöld.
Lestu um leikinn: Keflavík 0 - 0 KR
Framan af leik voru Keflvíkingar helst til opnir til baka og að gefa KR liðinu svæði til að sæka trekk í trekk. Það breyttist þó er líða fór á leikinn og undir lokin voru Keflvíkingar líklegri til þess að stela öllum stigunum þremur en gestirnir.
„Við vorum að fá of mörg færi á okkur eftir skyndisóknir. Ekki eins mörg í seinni hálfleik þar sem við vorum að fá fleiri færi en svona er fótboltinn þetta hefði getað dottið hvorum megin sem var.“
Rúnar hefur verið duglegur að safna gulum spjöldum þetta sumarið og sótti sér eitt í kvöld undir lok leiks en Sigurður Ragnar Eyjólfsson skaut létt á kappann á dögunum um spjaldasöfnun. Spjaldið í kvöld tók Rúnar þó á sig af nauðsyn og sagði um það.
„Já ég varð að taka þetta. Þetta var ekki svona kjánalegt spjald hann var að detta einn í gegn og ég þurfti að taka hann niður. “
Sagði Rúnar en allt viðtalið má sjá hér að ofan.
Athugasemdir
