„Svekkjandi. Við töldum okkur eiga góða möguleika á að fara áfram í bikarnum. Við komum okkur sjálfir í vonda stöðu og Keflavík þarf lítið að hafa fyrir því og það er eitthvað sem við þurfum að laga og má ekki gerast í næstu leikjum.“
Sagði Brynjar Björn Gunnarsson þjálfari HK eftir sárt 5-3 tap hans manna gegn Keflavík í Kórnum í kvöld.
Sagði Brynjar Björn Gunnarsson þjálfari HK eftir sárt 5-3 tap hans manna gegn Keflavík í Kórnum í kvöld.
Lestu um leikinn: HK 3 - 5 Keflavík
Á flestum eðlilegum dögum ættu þrjú mörk að duga til þess að vinna fótboltaleik en í kvöld var annað upp á teningnum. Heimamenn reyndust sjálfum sér verstir og gáfu gestunum tvö mörk á silfurfati í fyrri hálfleik. Um það sagði Brynjar.
„Menn eru bara mannlegir og gera mistök og taka ákvarðanir inn á vellinum. Við tókum tvær mjög slæmar ákvarðanir og það kom okkur í þessa stöðu. Að öðru leiti skoruðum við þrjú góð mörk, fengum færi og dæmt af okkur mark.“
HK sem á í harðri fallbaráttu í Pepsi Max deildinni fær ekki langan tíma til að rífa sig upp eftir þetta tap en liðið mætir Stjörnunni í deildinni næstkomandi mánudag. Kannski ágætt fyrir þá baráttu að fá þetta kjaftshögg í kvöld til að læra af því fyrir komandi leiki. Spurði fréttaritari Brynjar.
„Já við fáum ekki meiri aðvörun fyrir þessa leiki sem eftir eru og ég sé ekki annað og trúi ekki öðru en að menn vilji bæði sem lið og einstaklingar fá betri frammistöðu. “
Sagði Brynjar en allt viðtalið má sjá hér að ofan.
Athugasemdir