Sölvi lyftir hér bikarnum.
Sölvi Geir Ottesen er búinn að spila sinn síðasta leik á fótboltaferlinum. Hann endar ferilinn sem tvöfaldur meistari með sínu uppeldisfélagi, Víkingi í Reykjavík.
Lestu um leikinn: ÍA 0 - 3 Víkingur R.
„Tilfinning er geggjuð. Að enda ferilinn á þennan hátt er óraunverulegt," sagði Sölvi.
Það er góður endir á handritinu. „Við gætum ekki endað þetta betur. Við unnum allt sem var í boði á þessu tímabilið. Við Kári erum báðir að hætta. Við byrjuðum saman, vorum saman í atvinnumennsku, áttum frábæran feril, komum heim í uppeldisfélagið og endum á að vinna tvöfalt. Þú getur ekki skrifað þetta betur."
Hvernig fannst Sölva leikurinn gegn ÍA í dag? Víkingur vann 3-0 sigur. „Þetta var erfiður leikur. En við vorum virkilega öflugir varnarlega og þolinmóðir. Það skilaði sér í lokin."
Allt viðtalið má sjá hér að ofan.
