Rúnar Kristinsson var eðlilega svekktur með niðurstöðuna í 3-2 tapi sinna manna gegn Val fyrr í kvöld. Leikið var á Meistaravöllum, heimavelli KR og þar hafa þeir enn ekki fengið stig þetta tímabilið.
Spilamennska KR var góð í leiknum og því var Rúnar súr að fá ekkert út úr leiknum.
Spilamennska KR var góð í leiknum og því var Rúnar súr að fá ekkert út úr leiknum.
Lestu um leikinn: KR 2 - 3 Valur
„Það er alltaf mjög fúlt að tapa fótboltaleikjum, sérstaklega þegar að þú spilar nokkuð góðan leik og telur þig vera ánægðan með framlag leikmanna þinna.''
„Þeir lögðu á sig gríðarlega vinnu, vörðust vel, töpuðum 3-2 en eigum þvílík dauðafæri í síðari hálfleik til að jafna. Ég er mest fúll yfir því að við höfum hleypt þeim inn í leikinn í lok síðari hálfleiks.''
KR-ingar byrjuðu leikinn vel og voru sterkari aðilinn í fyrri hálfleik, en féllu KR-ingar ekki aðeins of djúpt eftir að hafa komist yfir sem orsakaði markið sem Valsarar skoruðu undir lok hálfleiksins?
„Okkur líður vel þannig, Valsmenn áttu held ég ekki skot að markinu okkar í fyrri hálfleik og áttu ekki margar fyrirgjafir, allavega ekkert hættulegt sem við þurftum að hafa áhyggjur af, en þeir skora úr þessari hornspyrnu sem þeir fá og þeir skoruðu gott mark sem var súrt, við erum búnir að vera að fá á okkur nokkur mörk núna úr föstum leikatriðum bæði núna, síðast á móti Fylki og svo á móti KA á heimavelli svo við þurfum bara að laga þessa hluti.''
Viðtalið í heild sinni má sjá í spilaranum hér að ofan en þar ræðir Rúnar betur um leikinn, Kjartan Henry og fleira.
