Fótbolti.net

Atvinnumaðurinn Logi Tómasson - Þriðji hluti

Atvinnumaðurinn Logi Tómasson - Annar hluti

Atvinnumaðurinn Logi Tómasson - Fyrsti hluti

Fékk Skagaelítuna á bakið - „Eflaust brotið einhver hjörtu hefði ég ekki komið“

Tekur við eftir að leikmenn neituðu að spila fyrir félagið

Lítur fyrst og fremst á sig sem Norðmann - „Mig langar bara að vinna"

Siggi Lár: Ætla ekki ræða einhver ákvæði í samningnum núna

Valdi Keflavík fram yfir ÍBV - „Þykir rosalega vænt um fólk í Eyjum“

Gummi Magg: Sá fyrir mér öðruvísi endi með uppeldisfélaginu

Fótbolta nördinn - Fótbolti.net vs Fylkir

„Myndi ekki vilja fara aftur upp á geðheilsuna“

17 ára á toppnum í Danmörku - „Finnst ég vera á sama getustigi ef ekki betri“

Ísak Andri tók fund með meisturunum - „Skoða alla möguleika núna í janúar“

Fótbolta nördinn - Draumaliðið vs KR

Kristall Máni: Hef alltaf vitað að fótboltahæfileikarnir hverfa ekki

Jóladagatalið: Stólar fullir af hálfvitum

Jóladagatalið: „Vonandi hefur Gummi Ben eitthvað lært af þessu“

Kominn í grænt eftir eitt tímabil í Svíþjóð - „Eftir það tók ég ákvörðun um að fara annað“

Ætlaði ekki að koma heim - „Þegar ég talaði við Óskar lá þetta fyrir“

Jóladagatalið: Kristján Óli eftir að hafa skorað ljótasta markið á ferlinum

lau 17. september 2022 17:32

Sæbjörn Þór Þórbergsson Steinke

Arnar Grétars hrósar dómaranum: Það kannski skilur liðin að í dag

Arnar Grétarsson

Mynd: Fótbolti.net - Hafliði Breiðfjörð

Arnar var ánægður með markið hjá Jakobi

Mynd: Fótbolti.net - Sævar Geir Sigurjónsson

„Mér finnst í raun ótrúlegt að leikurinn hafi endað 1-0 miðað við hvernig leikurinn var. Við vorum mjög ólíkir sjálfum okkur í fyrri hálfleik og mjög heppnir að fara í fyrri hálfleikinn með 0-0," sagði Arnar Grétarsson, þjálfari KA, eftir sigur gegn Val í dag.

Lestu um leikinn: Valur 0 - 1 KA

„Mér fannst Valur byrja miklu betur og sköpuðu sér tvö mjög góð færi í byrjun leiks. Svo jafnaðist þetta aðeins og við fáum okkar færi í fyrri hálfleik. Mér fannst pressan samt léleg, létt hjá þeim að spila út úr henni og slitnaði alltof mikið á milli - eins og menn væru hræddir við eitthvað."

„Í seinni hálfleik fannst mér við byrja miklu betur, pressa miklu betur, miklu þéttari og fannst við vera banka á þetta þegar við fáum þetta mark á 75. (mínútu). Þá fannst mér við vera búnir að vera líklegir í nokkur skipti áður. Valur fékk að vísu eitt fínasta færi í miðjum hálfleiknum," sagði Arnar sem segir að leikurinn hefði alveg eins getað endað 3-3 og að Valur hefði alveg getað unnið þennan leik.

Arnar telur að KA hefði átt að fá víti og jafnvel tvö.

Um sigurmarkið:

„Það kemur flikk og bolti inn í, Jakob gerir mjög vel og nær boltanum," sagði Arnar sem hrósaði Jakobi mikið. „Mér finnst líka vel gert hjá dómurunum, allt í lagi að hæla þeim. Maður er pirraður að hafa ekki fengið víti á undan en vel gert hjá Pétri að átta sig á því að það fór í Valsmann en ekki KA-mann sem gerði það að verkum að Jakob sem gerði það að verkum að hann var réttstæður. Það kannski skilur liðin að í dag."

Hvaða þýðingu hafa stigin þrjú?

„Það þýðir að við erum í sömu stöðu og Víkingur, nánast, þeir eru náttúrulega með betri markatölu. Við vitum ekkert hvernig leikurinn fer í bikarnum. Við KA-menn erum auðvitað með Víkingi í þeim leik því ef Víkingur vinnur þá erum við í mjög góðri stöðu upp á þetta annað sæti. Ef ekki, þá þurfum við bara að berjast um þetta annað sæti. Það eru fimm leikir í boði, þó að það sé alltaf gaman að líta upp, átta stig, það er helvíti mikið. Blikar hafa verið drulluflottir og það verður erfitt að berjast við þá en svo veit maður aldrei," sagði Arnar.

Í viðtalinu kemur fram að þeir Rodri og Andri Fannar Stefánsson hefðu verið fjarri góðu gamni vegna meiðsla í kálfa.

Viðtalið í heild sinni má sjá í spilaranum að ofan. Arnar talar nánar um toppbaráttuna, Jakob Snæ, Bjarna Aðalsteinsson og Svein Margeir Hauksson.