Óli Stefán þjálfari Grindavíkur
Óli Stefán Flóventsson gat leyft sér að brosa eftir vinnu sigur sinna manna á Víkingum í Víkinni nú í kvöld. Eina mark leiksins skoraði Aron Jóhannsson undir lok fyrri hálfleiks og þrátt fyrir ágætis tilraunir náðu Víkingar ekki að jafna og fyrsta tap þeirra í deildinni í ár því staðreynd.
Lestu um leikinn: Víkingur R. 0 - 1 Grindavík
„Vinnuframlagið og skipulagið hjá mínum mönnum var til fyrirmyndar í dag enda þurftum við á því að halda til að fá eitthvað út úr þessum á leik á móti góðu Víkingsliði“.
Grindvíkingar voru á löngum köflum ofaná í allri barráttu í leiknum og hleyptu Víkingum aldrei of nálægt markinu og sýndu grimmd og vilja í návígum út á velli.
„Við verðum að matcha kraftinn og ruslavinnuna og hafa skipulagið á hreinu.En svo höfum við ákveðin gæði í okkar liði og getum stjórnað leikjum og í dag á ákveðnum tíma náðum við að skerpa á leiknum og fá mikið flæði og mikið tempó“.
Jóhann Helgi Hannesson gat ekki spilað í dag og þá er Will Daniels meiddur en í stað þeirra komu í liðið Sito og Jón Ingason.
„Við erum með breiðan og stórann hóp svo þó að Jói sé veikur í dag og Will meiddur þá höfum við svör. Við erum mjög samstilltir og erum allir að róa í rétta átt“.
Sagði Óli Stefán þjálfari Grindavíkur
Athugasemdir
