Það var vægast sagt markaveisla í Kaplakrika í dag þegar ÍBV fór í heimsókn til FH í Pepsi Max deildinni. Hvorki fleiri né færri en 10 mörk litu dagsins ljós í 6-4 sigri FH en staðan var 4-1 í hálfleik fyrir FH sem komst svo í 6-1 eftir klukkustundar leik. Þá hrukku Eyjamenn í gang og klóruðu í bakkann og lokatölur 6-4 eins og áður sagði.
Lestu um leikinn: FH 6 - 4 ÍBV
„10 marka leikur. Þetta leit út eftir 55-60 mínútur eins og við myndum tapa 10-1, leit skelfilega út fyrir okkur en hrós bara á liðið fyrir að sýna sterkan karakter og klárað leikinn vel og skorað þrjú mörk í seinni hálfleik og hleypa smá spennu í leikinn.“
Sagði Ian Jeffs annar þjálfara ÍBV eftir þennan skrautlega fótboltaleik.
Eyjamenn standa í þjálfaraleit fyrir næsta tímabil. Ian Jeffs hefur áður gefið það út að hann sjái ekki fyrir sér að halda áfram með liðið að tímabili loknu. En er það alveg öruggt að hann haldi ekki áfram sem þjálfari eða partur af teyminu?
„Ég verð ekki áfram með liðið. Ég er búinn að segja það tvisvar eða þrisvar. En ég get ekki svarað því hvort ég verði áfram í teyminu eða ekki en það er eitthvað sem mun bara koma í ljós á næstu dögum eða vikum.“
Sagði Ian Jeffs að lokum en allt viðtalið má sjá hér að ofan.
Athugasemdir