Valgerður Sigurðardóttir, borgarfulltrúi í Reykjavík, ritar pistil í Fréttablaðinu í dag þar sem hún kallar eftir því að skoðað verði að reisa nýjan þjóðarleikvang í Grafarvogi en ekki í Laugardalnum.
Lengi hefur verið kallað eftir nýjum og endurbættum Laugardalsvelli en Valgerður vill sjá nýjan leikvang í Grafarvogi.
Lengi hefur verið kallað eftir nýjum og endurbættum Laugardalsvelli en Valgerður vill sjá nýjan leikvang í Grafarvogi.
„Það er öllum ljóst að það verður dýrt og erfitt að byggja á núverandi svæði. Laugardalurinn er gróinn og áralangar stórbyggingarframkvæmdir í nágrenni við útivistarsvæði, skóla og sundlaug munu valda miklu raski," segir Valgerður meðal annars í pistli sínum.
„Við Egilshöll í Grafarvogi og upp að Vesturlandsvegi er mikið af óbyggðu landsvæði og þar er hægt að fara strax í uppbyggingu á meðan að í Laugardalnum þarf að fara í kostnaðarsamt niðurrif áður en hægt er að byrja að byggja upp. Það er ekki ofmælt að byggingarkostnaður gæti orðið 20% lægri við það að byggja á ósnertu landi en í Laugardalnum."
„Nýr þjóðarleikvangur í knattspyrnu í Laugardal kallar líka á nýjan frjálsíþróttavöll. Einnig myndi flutningur þjóðarleikvangs í knattspyrnu búa til aukið rými fyrir Þrótt og Ármann til að þróa sína aðstöðu til hagsbóta fyrir fjölskyldur í hverfinu."
Smelltu hér til að lesa pistilinn í heild
Athugasemdir
