Milos með tilboð frá Serbíu

Milos lét af störfum í kvöld sem þjálfari Víkings en aðeins þrjár umferðir eru búnar af Pepsi-deild karla og kom þetta því flestum á óvart.

Það kom fram í tilkynningu frá Víkingum að skoðanaágreiningur hefði átt sér stað og því var ákveðið að slíta samstarfinu.

Mikið hefur verið rætt og ritað um málið í kvöld en hávær orðrómur er um að Milos hafi nú þegar sótt um þjálfarastöðuan hjá Breiðablik.

Arnar Grétarsson var látinn taka poka sinn hjá Blikum á dögunum og á félagið enn eftir að ráða mann í hans stað. Milos sagði við mbl.is í kvöld að hann sé með tilboð frá Serbíu og þá er einnig áhugi frá Dúbaí.

„Ég er með umboðsmenn sem eru að vinna fyr­ir mig og það er eitt­hvað í gangi en þó ekk­ert í hendi. Ég er með til­boð frá liði í efstu deild í Serbíu sem er búið að bíða lengi eft­ir mér. Ég er ekki til­bú­inn að vinna í Serbíu strax eins og staðan er núna,\" sagði Milos við Guðmund hjá Morgunblaðinu.

„Það væri spenn­andi að fara til Dubai en ég er að hugsa um hags­muni fjöl­skyld­unn­ar og ég ætla að vera ró­leg­ur. Ég er op­inn fyr­ir öllu. Minn draum­ur er að vera at­vinnuþjálf­ari, hvort sem það verður á Íslandi, Serbíu, Svíþjóð eða Dubai. Ég vona bara að næsta skref verði rétt sem ég tek,\" sagði hann ennfremur.

Hægt er að lesa viðtalið í heild sinni með því að smella á tengilinn hér fyrir neðan.

Fréttin í heild sinni