Það er ansi líklegt að KR hefði komist í 0-2, en dæmi hver fyrir sig með því að horfa á atvikið í spilaranum hér að neðan.

Viktoría Sólveig í marki Hauka kom út á boltanum en rétt áður en boltinn kom að henni náði Anna María Bergþórsdótir að komast í hann, tók snertingu framhjá Viktoríu og varnarmanni Hauka, svo heyrðist flautað og svo og rúllaði Anna boltanum í netið. Mjög svo svekkjandi fyrir framherjann og KR sem hefði farið á toppinn með sigri.

Annar þeirra sem lýsti leiknum á Haukar TV gat ekki stillt sig um að hlægja.

„Það eru bæði þjálfarateymi í sjokki yfir því sem er í gangi hérna í dómgæslunni," var svo sagt í lýsingunni. Nánar var rætt um dómara leiksins eins og má heyra í spilaranum hér að neðan og velt vöngum um hvort hægt væri að kalla til nýtt dómarateymi á Ásvelli.

Sex umferðir eru eftir af deildinni og berjast Haukar og Völsungur um tvö laus sæti í Lengjudeildinni að ári. Stöðuna í deildinni má sjá hér neðst.



Uppfært 17:42: Haukar virðast hafa fjarlægt upptökuna af leiknum af Youtube.