Ungverjaland var búið að tryggja sér farseðilinn á EM í Þýskalandi fyrir lokaumferðina sem lauk í dag en liðið gulltryggði sér toppsætið í riðlinum eð sigri á Svartfjallalandi í dag.
Svartfjallaland var með 1-0 forystu í hálfleik en Dominic Szoboszlai sýndi frábæra takta og skoraði tvö mörk með mínútu millibili og náði þar með forystunni fyrir Ungverjaland.
Fyrra markið kom á 67. mínútu þar sem Szobozlai fór illa með varnarmenn Svartfellinga og skoraði að miklu öryggi.
Ungverjar voru ekki lengi að vinna boltann aftur og brunuðu upp í sókn. Szoboszlai og Martin Adam spiluðu þá vel saman og Adam átti sendingu inn fyrir á Szoboszlai sem var kominn aleinn inn á teiginn og kom Ungverjum yfir.
Sjáðu mörkin hér fyrir neðan.
Athugasemdir
