Fótbolti.net

Tími kominn til að taka skrefið - „Hitti hann á göngugötunni á Tenerife"

„Pældi bara í því sem var á borðinu og Víkingur var númer eitt"

Ánægður með Þungavigtarbikarinn: Öðruvísi að hafa æfingaleikina sem mót

Dóri Árna: Erum í leit að hafsent og senter

Óli Valur skoraði gegn gömlu félögunum: Virkilega gaman, toppmenn

Markus Nakkim: Besta ákvörðunin fyrir mig að koma til Íslands

Unnur skiptir um félag í fyrsta sinn - „Þurfti á þessu að halda"

„Einhver áhugi en Stjarnan var alltaf að fara að vera valin"

Óskar Hrafn um félagskiptamarkaðinn: Verðum ekki mjög aktívir

Gylfi hefur heyrt í Arnari: Samband okkar hefur ekkert breyst

Sölvi Snær á varnaræfingum KSÍ: Fer betri leikmaður útaf þessum æfingum

Jörundur Áki: Þeir hafa margt fram að færa sem krakkarnir geta lært af

Hugurinn leitaði heim eftir góð ár í Árbæ - „Var svolítið ákveðin"

Norðurálsmótið 40 ára í sumar

Kári Árna: Týndu synirnir eru komnir aftur heim

Viktor Bjarki aðstoðar Sölva: Verið draumur mjög lengi

Sölvi fengið góðan skóla og stígur nú í stóra skó - „Búinn að heilaþvo mann síðustu sex árin"

Endurnýjar kynnin við Arnar - „Vona að hann hafi lært eitthvað"

Arnar í draumastarfið: Ótrúlega ljúft en að sama skapi smá sorg

Eyþór með skýr markmið í nýju liði - „Þetta er bara mín vinna"

mið 20. september 2023 14:30

Guðmundur Aðalsteinn Ásgeirsson

Karólína Lea: Síðasti heimaleikur situr í manni

Karólína Lea Vilhjálmsdóttir.

Mynd: Jónína Guðbjörg Guðbjartsdóttir

Fyrir æfingu í dag.

Mynd: Jónína Guðbjörg Guðbjartsdóttir

„Það er alltaf gott að koma heim í ferska loftið. Ég er alveg komin með ógeð af hitanum þarna úti," sagði Karólína Lea Vilhjálmsdóttir, leikmaður íslenska landsliðsins, þegar hún ræddi við Fótbolta.net fyrir æfingu í dag.

„Það er alltaf góð stemning í hópnum og manni líður alltaf vel hérna."

Framundan eru fyrstu leikirnir í Þjóðadeildinni þar sem Wales og Þýskaland eru andstæðingarnir. „Ég skil ekkert hvernig keppnin virkar en við tökum bara einn leik í einu. Við erum í hörkuriðli með skemmtilegum liðum. Þetta verða allt hörkuleikir og ég er mjög spennt."

Fyrsti leikurinn er gegn Wales á heimavelli á föstudaginn. „Við spiluðum við þær hérna á árinu og það var mjög slakur leikur af okkar hálfu held ég. En auðvitað voru leikmenn að koma úr undirbúningstímabili og svoleiðis. Þær eru með hörkulið en við ætlum að horfa á þeirra veikleika og reyna að sækja á þá. Og spila á þeim."

Það er ekki á hverjum degi sem við fáum heimaleik á Laugardalsvelli og tilvalið fyrir fólk að skella sér á völlinn á föstudagskvöldi.

„Jú, klárlega. Við ætlum að bæta upp fyrir síðasta heimaleik gegn Finnlandi sem var ekki nógu góður fyrir framan endalaust af stelpum af Símamótinu. Það situr í manni. Við ætlum að bæta upp fyrir það," segir Karólína.

Skipti yfir til Bayer Leverkusen
Karólína skipti yfir til Bayer Leverkusen á láni frá Bayern München í sumar. Hún var aðeins spurð út í skiptin.

„Þetta var alltaf í hausnum á manni, hvort maður eigi ekki að fara á láni. Það var komið samkomulag fyrir lok síðasta tímabils þannig að ég fékk minn tíma til finna lið til að fara í. Mér leist best á Leverkusen og ég er mjög bjartsýn fyrir því. Það býr mikið í liðinu og ég held að við getum gert góða hluti."

Leverkusen tapaði fyrsta leik sínum á tímabilinu gegn Sveindísi Jane Jónsdóttur og hennar stöllum í Wolfsburg.

„Við fengum kannski ekki léttasta leikinn í fyrsta leik... labbar Sveindís hérna framhjá," sagði Karólína og hló. „Þetta var smá skellur, ekki alveg nógu gott. En við sýndum að við getum spilað góðan fótbolta og við munum byggja á því."

Hún segir að það hafi verið erfitt að kveðja Bayern en hún er tilbúin að takast á við nýjar áskoranir. Planið er að snúa aftur eftir lánssamninginn en það verður að koma betur í ljós hvað gerist. Hægt er að sjá allt viðtalið í spilaranum hér að ofan.