Shaw gæti verið frá út tímabilið

Shaw var tekinn af velli í hálfleik í leik liðsins gegn Aston Villa í síðustu viku en var í byrjunarliðinu gegn Luton um helgina og þurfti að fara af velli undir lok fyrri hálfleiks.

Hann var fjarverandi fyrstu þrjá mánuðina á tímabilinu og Daily Mail greinir frá því að hann gæti verið búinn að spila sinn síðasta leik á tímabilinu.

Mikil meiðslavandræði eru í leikmannahópi Man Utd en Diogo Dalot hefur leyst Shaw af hólmi þar sem Tyrell Malacia er einnig meiddur. Nú er Dalot í hægri bakverði þar sem Aaron Wan-Bissaka er einnig á meiðslalistanum.

Þetta er einnig áhyggjuefni fyrir enska landsliðið sem undirbýr sig fyrir EM í sumar en Shaw getur líklega ekki tekið þátt í æfingaleikjum liðsins gegn Brasilíu og Belgíu í næsta mánuði.