„Já við gerðum það. Við erum alltaf að skólast og þurfum alltaf að reka okkur á aftur og aftur og vonandi verður það sjaldnar og sjaldnar.“

Sagði Eysteinn Húni Hauksson þjálfari Keflavíkur inntur eftir því hvort dagskipunin hefði verið einföld að njóta leiksins.

Lestu um leikinn: Keflavík 1 -  0 Fjölnir

Keflavík reyndist örlagavaldur í baráttu Fjölnis og Gróttu um efsta sæti deildarinnar þegar upp var staðið. Sá Eysteinn fyrir sér fyrir mót að þetta gæti endað svona?

„Já ég get alveg sagt það. Ég sá Gróttu í vetur og þeir spiluðu meðal annars á móti okkur og þeir höfðu einkenni mjög góðs liðs og ég vill nota tækifærið og óska Fjölni og Gróttu til hamingju með að vera komnir upp í Pepsi Max deildina og ég vona að þau ráðist á það með trukki. Þau eiga skilið að fara upp.“

Nú að tímabili loknu fara ýmsar sögur á kreik. Vill Eysteinn halda áfram með Keflavíkur liðið?

„Já ég vil það og ég sé ekki líkur á neinu öðru en að það verði, Við erum á ágætis leið með það sem við viljum gera og þetta tekur tíma hjá okkur og við þurfum bara að spila fleiri leiki eins og í dag.“

Sagði Eysteinn Húni Hauksson þjálfari Keflavíkur en allt viðtalið má sjá hér að ofan.

Tweet

Senda a Facebook Hafdu samband Senda frétt Prenta frétt Frétta leit