Þau nöfn sem heyrðust hins vegar voru af leikmönnum sem spiluðu í Bestu deildinni 2022. Guy Smit lék á láni hjá ÍBV frá Val á síðasta tímabili og í kjölfarið rann samningur hans við Val út og er hann í dag samningslaus.

Markvörðurinn var orðaður við félagið í þættinum. Smit er 27 ára Hollendingur sem kom fyrst til Íslands árið 2020 og lék þá með Leikni. Eftir tímabilið 2021 gekk hann í raðir Vals.

Hinn leikmaðurinn er Ástbjörn Þórðarson sem spilar með FH. Ástbjörn er hægri bakvörður sem uppalinn er í KR. Ástbjörn er 24 ára og er samningsbundinn út árið. Hann var keyptur til FH snemma árs 2022 frá Keflavík. Ástbjörn á að baki ellefu deildarleiki með KR.

Sigurpáll Sören Ingólfsson (2003) hefur varið mark KR á undirbúningstímabilinu og Rúrik Gunnarsson (2005) byrjaði í hægri bakverði gegn Val í Reykjavíkurmótinu.