Hann tilkynnti að Antony og Harry Maguire séu báðir orðnir leikfærir. Antony hefur misst af fjórum síðustu leikjum og Maguire missti af sigrinum gegn Leicester á sunnudag vegna hnémeiðsla.

Anthony Martial hefur snúið aftur í léttar æfingar en er ekki orðinn leikfær. Hann hefur verið fjarverandi síðustu þrjár vikur.

Ten Hag var spurður út í kvöldverðinn sem hann snæddi með Sir Alex Ferguson.

„Það er risastórt að vera með stuðning frá honum. Ég nýt þess að spjalla við fólk með gríðarlega þekkingu og reynslu. Hann er tilbúinn að deila sinni þekkingu, hann vill aðstoða og styðja. Manchester United er hans félag og hann vill því það besta. Hann vill að við gerum vel og þetta var frábært kvöld," segir Ten Hag.