60 þúsund miðar hafa verið seldir
Magnaður leikvangur. Grasið ekki síðra!
„Þetta er besti grasvöllur sem ég hef komið inn á. Þetta er algjörlega fullkomið. Það væri óskandi að allir golfvellir væru svona!" sagði Ríkharður Daðason, fyrrum landsliðsmaður og núverandi meðlimur landsliðsnefndar, við fjölmiðlafólk.
Íslenska landsliðið æfði í dag á keppnisvellinum þar sem leikurinn við Mexíkó fer fram annað kvöld.
Aron Einar hrósaði vellinum á fréttamannafundi fyrir leikinn.
Leikvangurinn sjálfur, Levi's stadium, er mest notaður fyrir NFL-leiki en þetta er heimavöllur San Francisco 49ers. Ofurskálaleikurinn, Super Bowl, fór fram á vellinum 2016.
Leikvangurinn tekur um 70 þúsund manns en samkvæmt upplýsingum sem fengust frá starfsfólki vallarins er búið að selja um 60 þúsund miða.
Fyrir utan leikvanginn er búið að setja upp matarvagna og bjórtjöld en heljarinnar upphitun á að vera á bílaplaninu fyrir leik.
Meðfylgjandi eru myndir sem Hafliði Breiðfjörð, ljósmyndari Fótbolta.net, tók á leikvangnum í dag.
Athugasemdir
