Frans í sjokki yfir tveggja leikja banninu

Frans Elvarsson, miðjumaður Keflavíkur, var í gær úrskurðaður í tveggja leikja bann í bikarnum. Hann fékk rautt spjald fyrir að fara með hönd í andlitið á Hinriki Harðarsyni undir lok leiks þegar Keflavík lagði ÍA í síðustu viku.

„Beint rautt á Frans Elvarsson! Verulega óskynsamlega gert hjá Frans sem fer í andlitið á Hinrik beint fyrir framan nefið á Pétri og uppsker fyrir það beint rautt spjald," skrifaði Sverrir Örn Einarsson í lýsingu frá leiknum. Atvikið sést ekki alveg nógu vel í útsendingu frá leiknum en það sem sést má sjá í spilaranum hér að neðan.