Samantha Rose Smith átti stórleik fyrir Breiðablik þegar þær grænklæddu rústuðu Þór/KA 6-1 á Kópavogsvelli í dag. Hún skoraði þrennu og lagði upp eitt mark og var valinn maður leiksins hér á Fótbolti.net og fleiri stöðum.
Lestu um leikinn: Breiðablik 6 - 1 Þór/KA
Hvað fór í gegnum hausinn á Sammy í fyrri hálfleik.
„Ég var í áfalli og vissi í raun ekki hvað var að gerast. Boltarnir frá Öglu Maríu voru fullkomnir þannig eina sem ég þurfti að gera var að setja þá í netið.“
Þið höfðuð augljóslega æft þessi horn. Hversu oft hefur þetta heppnast?
„Við höfum verið að æfa þetta í nokkrar vikur en þetta hefur virkað kannski helming skiptanna á æfingum þannig við vissum að þetta gæti virkað og við vorum að vona að þetta myndi virka í leiknum og já, þetta virkaði.“
Fóruð þið í hlutlausan gír. Þór/KA vinnur seinni hálfleikinn 1-0.
„Ég held að við höfum bara klárað orkuna okkar. Núna vitum við að við megum ekki gera það í leikjunum sem eru á næstunni. Við gerðum mjög vel í fyrri hálfleik og við verðum að gera það líka í seinni hálfleik í næstu leikjum.“
Hvernig hefur verið fyrir Sammy að koma inn í Blikaliðið eftir frábært tímabil með FHL?
„Ég var mjög stressuð að koma inn í liðið, þar sem þetta er efsta deildin á Íslandi. Ég vissi ekki hvort ég gæti komið inn í liðið og skipt máli eða spilað eins vel og ég gerði í (Lengjudeildinni). Þetta hafa samt verið auðveldar breytingar þar sem þessar stelpur eru svo góðar. Þær koma mér í færi og ég kem þeim í færi þannig það hefur verið gaman að spila með þeim.“
Hvar spilar Sammy á næsta ári?
„Ég veit það ekki ennþá. Í alvörunni. Ég myndi samt vilja vera hérna áfram, við sjáum til hvað gerist.“
Viðtalið í heild sinni má sjá í spilaranum hér að ofan.
