Elías Rafn Ólafsson.
Mikael Anderson.
Landsliðsmarkvörðurinn Elías Rafn Ólafsson sneri aftur með hvelli í markið hjá Midtjylland á dögunum. Hann er í úrvalsliði fyrstu umferðar í dönsku úrvalsdeildinni að mati Tipsbladet.
Elías Rafn átti stórleik þegar dönsku meistararnir gerðu jafntefli gegn AGF á dögunum.
Elías Rafn átti stórleik þegar dönsku meistararnir gerðu jafntefli gegn AGF á dögunum.
Landsliðsmarkvörðurinn, sem var á láni hjá portúgalska félaginu Mafra á síðustu leiktíð, varði urmul af færum AGF í fyrri hálfleiknum og þar á meðal vítaspyrnu frá Patrick Mortensen er Midtjylland var marki undir.
„Enginn vafi á því að hann á að vera hérna. Fékk að standa í markinu frekar en Jonas Lössl og skilaði stórkostlegri frammistöðu," segir í umsögn Tipsbladet.
Elías er ekki eini Íslendingurinn sem er í liði umferðarinnar hjá Tipsbladet, því þar er líka Mikael Anderson. Hann lék vel gegn Midtjylland.
„Lykilmaðurinn í liði AGF setti enn og aftur tóninn sóknarlega fyrir sitt lið," segir á vef Tipsbladet en Mikael hefur verið algjör lykilmaður fyrir AGF síðustu árin.
Mikael Neville hefur verið eftirsóttur síðasta árið en AGF virðist ekki hafa áhuga á að selja hann. Mikael er samningsbundinn næstu tvö árin en á dögunum hafnaði hann nýju samningstilboði félagsins.
Athugasemdir
