„Við byrjuðum leikinn með rétt hugarfar. Fyrri hálfleikurinn var mjög mikilvægur í leið okkar að þremur stigum."

Fernandes skoraði tvennu en fyrra markið skoraði hann með þrumufleyg. „Þetta var mjög gott mark. Ég segi alltaf að við verðum að vera tilbúnir fyrir utan teiginn í þessum stöðum, líka stundum til að stöðva skyndisóknir."

United fékk vítaspyrnu í stöðunni 2-0 þegar brotið var á Marcus Rashford. Fernandes hefði getað fullkomnað þrennu sína, en hann er vítaskytta Man Utd. Portúgalinn leyfði hins vegar Rashford að taka vítið og Rashford skoraði af öryggi.

„Það vilja auðvitað allir skora þrennu, en eftir síðasta leik í deildinni sagði ég við Rashford að hann gæti tekið næstu spyrnu. Ég gleymdi því ekki, og hann er líka með markahæstu mönnum Meistaradeildarinnar og mikilvægt fyrir hann að hafa sjálfstraust. Það skiptir ekki máli hver tekur vítaspyrnurnar, svo lengi sem liðið skorar."