Leikir dagsins í enska boltanum eru seinna á ferðinni á þessum laugardegi en venjulega en það er vegna þess að Newcastle átti upphaflega að spila í hádeginu en spilar úrslitaleik deildabikarsins á morgun.
Fjórir leikir eru á dagskrá kl. 15 en Leicester vakti athygli á því að Wilfried Ndidi mun bera fyrirliðaband í úkraínsku fánalitunum.
Allir fyrirliðar dagsins munu gera slíkt hið sama en þetta er gert vegna þess að í dag er ár frá því að innrás Rússa í Úkraínu hófst.
Leicester mætir toppliði Arsenal en í byrjunarliði Arsenal er meðal annars Úkraínumaðurinn Oleksandr Zinchenko sem hefur komið gríðarlega sterkur inn í liðið eftir komuna frá Manchester City í sumar.
Today, Wilfred Ndidi will wear a blue and yellow armband to show that we #StandWithUkraine pic.twitter.com/yHC8HwpYjn
— Leicester City (@LCFC) February 25, 2023