Þróttur R. tók á móti Njarðvíkingum á Avis vellinum í kvöld þegar sjöunda umferð Lengjudeildarinnar fór fram.
Lestu um leikinn: Þróttur R. 2 - 2 Njarðvík
„Blendnar tilfinningar. Erum að vinna þennan leik þegar það eru tíu mínútur eftir og fáum tvö rosalega góð færi til að komast í 3-1 þannig ég er svekktur að hafa ekki unnið" sagði Sigurvin Ólafsson þjálfari Þróttara eftir leikinn í kvöld.
„Verð auðvitað að viðurkenna að það lá alveg verulega á okkur þannig þetta var mögulega bara sanngjarnt"
Bæði Þróttur og Njarðvík hafa byrjað tímabilið nokkuð vel og eru meðal best spilandi liða deildarinnar.
„Ég held að þetta hafi bara verið frábær skemmtun. Kannski ekki einhver aragrúi af færum en mjög djörf finnst mér bæði liðin. Njarðvíkingar mjög hátt uppi þessvegna fáum við þessi dauðafæri"
„Fínt veður, gervigras og allir vilja spila og búa til góðan fótbolta. Markmiðið er auðvitað að vinna fótboltaleiki og fá þrjú stig. Þetta er ekki eins og skautahlaup, það eru enginn stig fyrir stíl"
Nánar er rætt við Sigurvin Ólafsson í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍR | 7 | 4 | 3 | 0 | 11 - 4 | +7 | 15 |
| 2. Njarðvík | 7 | 3 | 4 | 0 | 17 - 7 | +10 | 13 |
| 3. HK | 7 | 3 | 2 | 2 | 12 - 8 | +4 | 11 |
| 4. Þór | 7 | 3 | 2 | 2 | 17 - 14 | +3 | 11 |
| 5. Þróttur R. | 7 | 3 | 2 | 2 | 13 - 11 | +2 | 11 |
| 6. Keflavík | 6 | 3 | 1 | 2 | 14 - 8 | +6 | 10 |
| 7. Grindavík | 6 | 3 | 1 | 2 | 19 - 14 | +5 | 10 |
| 8. Völsungur | 7 | 3 | 0 | 4 | 10 - 16 | -6 | 9 |
| 9. Leiknir R. | 7 | 2 | 1 | 4 | 9 - 20 | -11 | 7 |
| 10. Fylkir | 7 | 1 | 3 | 3 | 8 - 11 | -3 | 6 |
| 11. Selfoss | 7 | 2 | 0 | 5 | 6 - 15 | -9 | 6 |
| 12. Fjölnir | 7 | 0 | 3 | 4 | 7 - 15 | -8 | 3 |
