Gvardiol hefur spilað með Leipzig síðustu tvö ár eftir að hafa spilað fyrir Dinamo Zagreb í heimalandinu.

Króatinn er 20 ára gamall og þykir með efnilegri varnarmönnum þýsku deildarinnar en enska félagið Tottenham hefur mikinn áhuga á að fá hann í sumarglugganum.

Franski blaðamaðurinn Nabil Djellit segir að Tottenham hafi lagt fram fyrirspurn til Leipzig til að sjá hvar landið liggur en hann er samningsbundinn Leipzig til 2026.

Tottenham er ekki eina félagið sem er á höttunum eftir Gvardiol en Atlético Madríd og Chelsea eru einnig sögð áhugasöm.

Gvardiol er örfættur, vel spilandi og getur fært boltann upp völlinn, sem er einmitt það sem Antonio Conte er að leita að í vörninni við hlið Cristian Romero og Eric Dier.