„Já, ég er svekktur með það. Ég held að 0 - 3 lýsi kannski ekki alveg leiknum. Að mörgu leyti spiluðum við vel og sérstaklega í fyrri hálfleik vorum við með yfirhönd í leiknum svona allavega í færum og í möguleikum. Eini möguleiki sem Valsmenn fá er skot í átt að marki sem fer af varnamanni og inn," sagði svekktur Brynjar Björn þjálfari HK eftir tap á móti Val í kvöld.
Lestu um leikinn: HK 0 - 3 Valur
„Það breytir ekki ásýnd leiksins mikið. Við reynum að halda áfram og gera það sem við gerðum vel og gerðum í fyrri hálfleik sem reyndist okkur vel en svo skorar Birkir Már sennilega sitt besta mark á ferlinum í Kórnum."
„Mér líst ágætlega á framhaldið. Ef við höldum áfram. Við getum verið ánægðir með spilamennskuna sérstakleg í dag, margt sem var jákvætt og hefur verið það oftar en ekki og ef við höldum því áfram að þá eigum við möguleika á að tína inn stig."
„Við erum að skoða í kringum okkur en það er erfitt. Litlar sem engar hreyfingar hér heima og erfitt að ná í menn erlendis og ekki hlaupið að því með stuttum fyrirvara"
Nánar er rætt við Brynjar í sjónvarpinu hér að ofan.
Athugasemdir