Þá er það ljóst hvaða lið eru komin í 16-liða úrslit Mjólkurbikars karla. Í kvöld kláruðust 32-liða úrslitin með stórsigri Breiðabliks gegn Val í stórleik umferðarinnar.
Liðin í Bestu deild karla komu inn á þessu stigi keppninnar og eru fimm þeirra nú þegar úr leik; það eru ÍBV, Keflavík, Stjarnan, Leiknir Reykjavík og Valur.
Eitt lið úr 3. deild og þrjú lið úr 2. deild verða í pottinum þegar dregið verður á mánudag.
Liðin sem eru í 16-liða úrslitum
Ægir
ÍA
Selfoss
Afturelding
HK
ÍR
Kórdrengir
Dalvík/Reynir
Fylkir
FH
Njarðvík
KR
Fram
KA
Víkingur R.
Breiðablik
Þess má geta að það verður einnig dregið í átta-liða úrslit í Mjólkurbikar kvenna á mánudag, en 16-liða úrslitin þar fara fram núna um helgina; þau hefjast á morgun og klárast svo á sunnudaginn.
Fótbolti.net mun auðvitað fjalla vel um það þegar dregið verður.
Athugasemdir