Portúgalski vinstri bakvörðurinn Ruben Vinagre er að ganga í raðir Everton á láni frá Sporting Lisbon.
Sporting festi kaup á Vinagre í byrjun mánaðarins frá Wolves eftir að hafa eytt síðasta tímabili á láni hjá portúgalska félaginu.
Hann mun nú halda út á lán til Everton en samkomulag er í höfn og á enska félagið möguleika á því að gera skiptin varanleg á næsta ári.
Vinagre er 23 ára gamall og með ágætis reynslu úr ensku úrvalsdeildinni en hann lék 32 leiki og skoraði 2 mörk á þremur tímabilum með Wolves í deildinni.
Þetta verður annar leikmaðurinn sem Everton fær í glugganum á eftir James Tarkowski, sem kom til félagsins á frjálsri sölu frá Burnley.
Athugasemdir