Bjarni og Elvar Ingi í dag.
„Við sömdum um líklegt kaupverð áður en við ræddum við leikmanninn," sagði Bjarni Jóhannsson þjálfari ÍBV við Fótbolta.net í dag.
ÍBV hefur keypt Elvar Inga Vignisson frá Fjarðabyggð en Bjarni vill sjá meira um það í íslenska boltanum að leikmenn gangi kaupum og sölum en fari ekki einungis á milli félaga þegar þeir eru samningslausir.
„Við höfum séð að leikmenn utan að landi eru að koma í bæinn og öfugt þó að það sé algengara að góðir leikmenn utan að landi fari í Reykjavíkurféölgin. Ef við lítum á leikmann sem fjárfestingu hjá íslenskum félögum í dag þá verðum við að stunda alvöru viðskipti og vera sanngjarnir hvor við annan."
ÍBV hefur keypt Elvar Inga Vignisson frá Fjarðabyggð en Bjarni vill sjá meira um það í íslenska boltanum að leikmenn gangi kaupum og sölum en fari ekki einungis á milli félaga þegar þeir eru samningslausir.
„Við höfum séð að leikmenn utan að landi eru að koma í bæinn og öfugt þó að það sé algengara að góðir leikmenn utan að landi fari í Reykjavíkurféölgin. Ef við lítum á leikmann sem fjárfestingu hjá íslenskum félögum í dag þá verðum við að stunda alvöru viðskipti og vera sanngjarnir hvor við annan."
Elvar Ingi er tvítugur kantmaður sem er uppalinn hjá Aftureldingu en hann spilaði alla leiki Fjarðabyggðar í 1. deildinni í fyrra.
„Ég þekki aðeins til hans og hann er spennandi leikmaður. Leikstíll hans og karakter inni á velli er mjög spennandi. Ég tel að hann muni smellpassa inn í þann leikstíl sem ég og ÍBV stöndum fyrir."
Bjarni segir að Eyjamenn séu á fullu að leita að frekari liðsstyrk fyrir næsta sumar.
„Við erum rétt að byrja. Það er smá tappi í þessu núna en ég hugsa að desember verði mánuður tilkynninga um nýja leikmenn í efstu deild," sagði Bjarni.
Hér að ofan má sjá viðtalið í heild sinni.
Athugasemdir
