Margrét Brynja Kristinsdóttir átti fínan leik gegn uppeldisfélaginu sínu Breiðabliki í dag, þrátt fyrir að þær svarthvítu hafi tapað 4-2. Hún lagði upp eitt mark og ógnaði mikið með hraða sínum.
Lestu um leikinn: Breiðablik 4 - 2 FH
Hvernig líður þér eftir þennan leik gegn gamla félaginu?
„Mér líður bara vel sko. Fannst við eiga fínan fyrri hálfleik. Slökuðum kannski smá á í seinni hálfleik. Áttum 10 mínútna kafla í fyrri hálfleik þar sem þær setja þrjú. Annars eru þær bara mjög sterkar.“
Hvernig er mótiveringin þegar liðið hefur í raun að engu að keppa?
„Við ætlum okkur inn í lokaleikinn gegn Þrótti til að vinna og sýna hvað við getum í fótbolta.“
Setti þetta smá extra í þetta fyrir þig að keppa gegn Blikum?
„Það er náttúrulega alltaf gaman að koma hingað og stelpurnar margar vinkonur mínar hérna ennþá. En ekkert endilega eitthvað extra. En jú, mjög gaman að spila á móti þeim.“
Viðtalið í heild sinni má sjá í spilaranum hér að ofan.
