„Mér líður auðvitað ekki vel, eftir svona tapleik þá er maður svekktur fyrst og fremst." sagði Gunnar Guðmundsson svekktur eftir 1-0 tapið á móti Magna í kvöld
Lestu um leikinn: Þróttur R. 0 - 1 Magni
Alexander Ívan Bjarnason kemur Magnamönnum yfir eftir nokkrar sekúndur en Þróttarar byrjuðu á móti sterkri sól
„Það getur vel verið að það hafi áhrif, þaðleit það þannig út að markmaðurinn blindaðist en línan var líka að falla alltof snemma niður það voru líka ákveðin mistök í því."
Tvö vafaatriði voru um miðjan síðari hálfleiks þegar Lárus Björnsson lyfti boltanum fyrir úr hornspyrnu og markmaður Magna grípur boltann og tveir Þróttarar keyra inn í hann og missir boltann og Þróttarar setja boltann í netið og Erlendur dæmir markið af og Gunnlaugur Hlynur tryllist og æðir í Freyþór Hrafn og fæ fyrir það beint rautt spjald. Hvernig horfði þetta við Gunnari.
„Ég sé ekki hvað gerist afhverju menn verða reiðir þarna, en Gulli (Gunnlaugur Hlynur) á náttúrulega aldrei að gera þetta og hann bregst kolrangt við og menn verða að halda haus í svona stöðum og láta ekki skapið hlaupa með sig í gunur þannig það var ekki skynsamlegt hjá Gulla og gerði liðinu engan greiða að láta reka sig útaf."
„Liðið sýndi allaveganna karakter og hélt áfram að berjast og mér fannst við gefa vel í þó við erum einum færri. Síðan undir blálokin þá er klárt brot á Dion inn í vítateig þannig mér fannst svekkjandi að menn skyldu ekki hafa þor til að dæma víti þar, því þetta var alveg augljóst."
Framundan er rosalega fallbarátta fram á síðasta leik en Þróttur Reykjavík,Magni og Leiknir F eru öll með 12 stig á botni deildarinnar.
„Já ég sé ekki annað en að þetta verði barátta framá síðasta leik. Þrír leikir eftir og við þurfum bara að fara upp með hausinn og horfa framávið og reyna að taka eitthvað út úr þessum síðustu leikjum"
Viðtalið í heild sinni má sjá í sjá í sjónvarpinu hér að ofan.
Athugasemdir