Atli Barkarson, bakvörður Zulte Waregem í Belgíu, er á förum frá félaginu í janúar. Orri Rafn Sigurðarson vekur athygli á því á X.
Atli fór í aðgerð vegna axlarmeiðsla eftir síðasta tímabil en liðið tryggði sér þá sigur í næst efstu deild. Hann vonaðist til að vera klár fyrir fyrstu leikina í efstu deild en hann hefur ekkert komið við sögu eftir sextán umferðir og aðeins einu sinni verið í hópnum.
Orri segir frá því að Atli hafi neitað tilboði frá Belarús en það er áhugi á honum frá liðum í efstu deild í Portúgal, Austurríki og Póllandi.
Atli er 24 ára gamall vinstri bakvörður. Hann er uppalinn hjá Völsungi en gekk ungur að árum til Norwich og spilaði með unglingaliðinu. Hann fór til norska liðsins Fredrikstad árið 2019. Hann gekk síðan til liðs við Víking ári síðar. Hann var á mála hjá Sönderjyske frá 2022-2024 áður en hann gekk til liðs við Zulte Waregem. Hann á fjóra A-landsleiki að baki.
Atli Barkarson er á förum frá Zulte í janúar.
— Orri Rafn Sigurdarson (@OrriRafn) November 29, 2025
Leikmaðurinn hefur þegar neitað tilboði frá Hvíta Rússlandi.
Það er áhugi á bakverðinum frá efstu deild í Portúgal, Austurríki og Póllandi????? pic.twitter.com/jJHL3MD1BX
Athugasemdir
