Frans Elvarsson, fyrirliði Keflavíkur, framlengdi samning sinn við félagið á dögunum og nú hefur félagið tilkynnt að hann muni meðfram því sinna stöðu styrktarþjálfara fyrir meistaraflokk karla.
Frans tók annað tímabil sitt sem fyrirliði Keflavíkur í sumar er liðið kom sér upp í Bestu deildina í gegnum Lengjudeildarumspilið.
Keflvíkingar fengu þær gleðifréttir fyrr í mánuðinum að Frans verði áfram í herbúðum félagsins og í dag var greint frá því að hann verði einnig styrktarþjálfari meistaraflokks karla.
Frans er 35 ára gamall miðjumaður sem á 364 leiki að baki með Keflvíkingum og er leikjahæsti leikmaður í sögu félagsins.
Hann hóf feril sinn með Sindra á Höfn í Hornafirði áður en hann fór til Njarðvíkur árið 2007. Hann spilaði með Njarðvíkingum áður en hann samdi við nágranna þeirra í Keflavík árið 2011.
Athugasemdir
