,,Við vorum í helvítis basli með þá í byrjun en þegar við náum okkar spili er erfitt að brjóta okkur niður," sagði Haukur Lárusson varnarmaður Fjölnis eftir 2-0 sigur liðsins á Tindastóli í fyrstu deild karla í kvöld.
Fjölnismenn eru á toppnum eftir sigurinn en Grafarvogsbúar hafa byrjað tímabilið vel.
Fjölnismenn eru á toppnum eftir sigurinn en Grafarvogsbúar hafa byrjað tímabilið vel.
Lestu um leikinn: Fjölnir 2 - 0 Tindastóll
,,Við erum á pari miðað við það sem við erum að stefna að. Okkur var spáð 7. sæti en við vissum að við værum miklu betri en það. Við ætlum að sanna það að við erum ekkert 7. sætis lið. Við stefnum upp og við ætlum að fara þangað."
Fjölnismenn hafa skorað 19 mörk í fyrstu deildinni og liðið skorar nóg af mörkum. ,,Það er alltaf gaman á Fjölnisvellinum. Hérna er alltaf veisla, markið hjá Tóta í dag er screamer, það er ekki leiðinlegt að sjá svona mörk í dag." sagði Haukur sem vill fá fleiri Fjölnismenn á völlinn en áhorfendur voru ekki margir í kvöld.
,,Það hlýtur að kosta tíu þúsund kall fyrst það voru svona fáir. Veðrið var frábært og menn þurfa að bera á sig sólarvörn, ég þurfti allavega að gera það, það er alltaf veisla."
,,Í kvöld voru góðir styrktartónleikar í dag fyrir góðan Grafarvogsbúa og þeir sem voru þar voru afsakaðir en ef þeir voru ekki þar þá voru þeir ekki afsakaðir."
Hér að ofan má sjá viðtalið í heild sinni en þar má meðal annars sjá rándýra hárkollu sem Haukur var með í viðtalinu.
Athugasemdir
