,,Ég er ánægður með sigurinn fyrst og fremst, leikurinn var í sjálfu sér ekkert alltof góður, allavega fyrri hálfleikurinn," sagði Bjarni Guðjónsson fyrirliði KR eftir 1-2 sigur á ÍBV í bikarnum í kvöld.
,,Mér fannst seinni hálfleikurinn aðeins betri og við fengum nokkrar ágætis sóknir sem við náðum ekki að skapa það sem við vildum úr í lokin. En það komu tvö frábær mörk hjá Óskari Erni og mjög sterkur sigur."
Björn Jónsson kom inná sem varamaður og lagði strax upp jöfnunarmark KR í leiknum eftir að liðið lenti undir í fyrri hálfleik.
,,Björn er mjög hæfileikaríkur fótboltamaður en hefur verið mjög óheppinn með meiðsli. Hann er búinn að vinna mjög mikið í sínum málum og verið duglegur að æfa eins og aðrir ungir strákar í KR og núna kemur hann inná og kemur með nýja vídd inn í leikinn hjá okkur. Hann sýndi það í dag og þetta höfum við í mörgum, mikil gæði."
Nánar er rætt við Bjarna í sjónvarpinu að ofan.
Athugasemdir
