Fjögur félög í Pepsi-deildinni berjast þessa dagana um Hallgrím Mar Steingrímsson leikmann KA.
Hallgrímur Mar hefur verið lykilmaður hjá KA undanfarin ár en hann skoraði níu mörk í fyrstu deildinni í sumar og var valinn í lið ársins.
Þessi 24 ára gamli leikmaður ætlar að róa á önnur mið þegar samningur hans við KA rennur út síðar í mánuðinum.
Á dögunum æfði Hallgrímur Mar með KR en í samtali við Fótbolta.net í dag staðfesti hann að fjögur félög í Pepsi-deildinni hafi sýnt sér áhuga.
Hallgrímur segist reikna með að taka ákvörðun um framtíð sína fyrir mánaðarmót.
Athugasemdir
