Hörður Björgvin Magnússon spáir í spilin í dag
Sóli Hólm var aðeins með tvo rétta þegar hann spáði fyrir um úrslit í 5. umferð Pepsi-deildar karla.
Hörður Björgvin Magnússon spáir fyrir 7. umferð deildarinnar en eins og flestum ætti að vera kunnugt þá skoraði hann sigurmarkið gegn Króatíu á sunnudag.
Það var annað landsliðsmark hans í röð en hann spáir nú í spilin fyrir sjöundu umferðina í Pepsi -deildinni.
KA 3 - 1 ÍA (19.15 í dag)
KA er búið að finna taktinn aftur á meðan mínir menn uppi á Skaga eru í basli. Emil Lyng skorar pottþétt fyrir heimamenn og Ásgeir Sigurgeirs.
Breiðablik 1 - 2 Valur (19.15 í dag)
Blikarnir hafa verið sterkir í síðustu leikjum en mæta ofjörlum sínum í dag. Þetta Valslið er of sterkt. Hef ekki hugmynd hver skorar þessi mörk.
Grindavík 2 - 3 FH (20.00 í dag)
Eins og ég er búinn að dýrka þetta Grindavíkurlið þá mun FH finna veikleika þeirra í dag og vinna þetta. Atli Guðna verður atkvæðamikill og reyndar líka Andri Rúnar hinum megin.
ÍBV 0 - 2 KR (18.00 á morgun)
Eyjamenn geta oft verið óútreiknanlegir en ekki í þessum leik. Willum stýrir þægilegum sigri í hús fyrir KR.
Fjölnir 1 - 0 Víkingur Ó. (19.15 á morgun)
Baráttusigur Fjölnismanna. Þeir byrja að sækja stig núna og auðvitað skorar Þórir Guðjónsson markið. Þarf lítið að spyrja að því.
Stjarnan 2 - 0 Víkingur R. (20.00 á morgun)
Öruggt hjá Stjörnunni. Sóknarlega eru þeir yfirburðar og það sýnir sig í dag. Mjög easy.
Sjá einnig:
Aron Sigurðarson - 4 réttir
Hjörtur Hjartarson - 4 réttir
Benedikt Bóas og Stefán Árni - 3 réttir
Halldór Jón Sigurðsson - 3 réttir
Tryggvi Guðmundsson - 2 réttir
Sóli Hólm - 2 réttir
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
