Albert Brynjar íhugar að fara frá Fylki
Albert í leik síðastliðið sumar.
Albert Brynjar Ingason, framherji Fylkis, er að íhuga að yfirgefa herbúðir félagsins samkvæmt heimildum mbl.is.
Hinn 33 ára gamli Albert er uppalinn hjá Fylki og hefur spilað í Árbænum lengst af á ferlinum.
Síðastliðið sumar spilaði Albert alla leiki Fylkis í Pepsi-deildinni og skoraði í þeim fimm mörk.
Samtals hefur hann skorað 70 mörk í 219 leikjum í efstu deild á ferlinum. Auk Fylkis hefur Albert spilað með Þór, Val og FH á ferli sínum.
Samkvæmt frétt mbl.is hefur Albert áhuga á að reyna fyrir sér í Inkasso-deildinni.
